Ovdasiidu » Ovdamearrádusat

Ovdamearrádusat

Alimus rievtti dehalamos doaibma lea ovdamearrádusaid dahjege prejudikáhtaid addin oppa vuoigatvuođaortnega dáfus dehalaš gážaldagain ja eará láhkaollašuhttima stivredeapmin. Ovdamearrádusat addojuvvojit dábálaččat dakkár áššiin, maidda lágat ja ásahusat eai adde čielga vástádusa vuoigatvuođagážaldahkii dahje dat leat sisdoaluset dáfus dulkonvuložat. Jagis addojit sullii 100-150 ovdamearrádusa.

Suoma vuoigatvuođaortnega mielde ovdamearrádus ii leat vuoigatvuođalaččat čatni. Hoavvariekti dahje gearretriektige sáhttá spiehkkasit das ovdamearkan dilálašvuođaid nuppástuvvamama geažil. Duođalaččat alimus rievtti ovdačoavddus čuvvojuvvo, jos seamma vuoigatvuođagažaldat boahtá ovdan ovdačovdosa addima maŋŋá gieđahallon áššis. Alimus riekti sáhttá maiddái ieš spiehkkasit árat prejudikáhtastis, muhto dát eaktuda alimus rievttis ášši gieđahallama gievruduvvon juhkosis, (11 lahtu) dahje dievasčoahkkimis.

Alimus rievtti ovdamearrádusat olggosaddojuvvojit girjin jahkebeale gaskkaid. Lassin dat leat nuvttá lohkamis FINLEX-diehtovuođus čujuhusas http://www.finlex.fi .

Ášši prejudikáhtagažaldat boahtá ovdan čovdosa bajilčállagis. Das govviduvvo čoahkkáigeassimiin dan vuoigatvuođagažaldaga, man dihtii dat lea olggosaddojuvvon. Prejudikáhtaáššis gártat váldit beali earáge go bajilčállosis muitaluvvon vuoigatvuođagážaldagaide. Dat leat goit "dábálaš " bealiváldimat ja báldalastojuvvojit dánu dakkár alimus rievtti duomu bealiváldimiidda, mat eai olggosaddojuvvo ovdamearrádussan. Ovdamearrádusain váikkuhuvvo vuoigatvuođaortnega ovdáneapmai. Dainna figgojuvvo váikkuhit vuoigatvuođageavadaga oktilasvuhtii dahjege dasa, ahte duopmostuolut riikka eará bealde dulkojit lága seamma láhkai ja heivehit vuoigatvuođaprinsihpaid atnimiin oktilas vihkkedallama ja árvvoštallama. Ovdačovdosat ávkkástallojit ovdamearkan vuoigatvuođagirjjálašvuođa analyseredettiin vuoigatvuođaortnega sisdoalu.

 
Julkaistu 2.9.2014