Badjelmearálaš nuppástusohcan

Alimus riekti sáhttá sihkkut dahje burgit duopmostuolu loahpalaš dahjege lágafámu ožžon čovdosa dahje máhcahit massojuvvon mearreáiggi riektegeavvangeavlli 31 logus máinnašuvvon ákkaid vuođul.

Guoddalemiide sihke duomu burgima ja massojuvvon mearreáiggi máhcaheami guoskavaš ohcamušaide leat mearriduvvon sierra mearreáiggit, mat molsašuvvet ášši lági ja doarjaluvvon ákka mielde.

Lágafámolaš čovdosa sihkkun dahje burgin ja massojuvvon mearreáiggi máhcaheapmi leat spiehkkaseaddji meannudeapmi, mat gáibidit, ahte lágas mearriduvvon oalle čavga ákkat ollašuvvet.

Duomu sihkkuma dahje burgima sáhttá alimus rievttis ohcat dušše, juos ohcamuša lea ráhkadan ášševuoddji, almmolaš riekteveahkki dahje lobi ožžon riektegeavvanveahkki.

Ohcamuša galgá bargat čálálaččat, ja das galgá almmuhit gáibádusa ákkaid sihke daid duođaštusaid, maidda gáibádus vuođđuduvvá. Ohcamuššii galgá bidjat mielddusin gáibádusa čuozáhahkan leahkki čovdosa ja daid čálálaš duođaštusaid, maidda das čujuhuvvo.